Farfuglar

Tugþúsundir gæsa eru nú í Austur-Skaftafellssýslu lang mest heiðargæsir. Mikið er líka af gæsum á Suðurlandi og Austurlandi og líklegast víða um land. Yfir 2000 helsingjar voru syðst í Álftarfirði (A) og mikið af heiðargæsum og töluvert af grágæsum. 45 margæsir sáust á flugi við Þvottárskriður og ein á túni við Hnauka í Álftarfirði. Um 370 hrafnsendur voru út af Þvóttá og undir Þvottárskriðum. Þúfutittlingar eru komnir í miklu magni í nágrenni Hafnar og líklegast víðar. Um 2500 jaðrakanar eru við Höfn og um 800 á Starmýrarteigum í Álftafirði.

binni@bbprentun.com

helsingjar1704

Farfuglar

Mikið kom af farfuglum á suðausturland í dag, stanslaust flug heiðlóa, hrossagauka, stelka og heiðargæsa. Frá Höfn og í Suðursveit mátti sjá tugi hópa af hrossagaukum svona 20-50 saman, mörg hundruð heiðlóur í svona 50-200 fugla hópum. töluvert er komið af heiðargæsum og komu margir hópar inn á dag, nokkrar blesgæsir og helsingjar voru hér og þar á leiðinn frá Höfn og í Öræfin en mest var við Holta bæina á Mýrum t.d. 100 fugla helsingja hópur og svo annar um 50 fuglar og þar voru líka 50-60 blesgæsir. Gargandarpar var á Jökulsárlóni og þar sáust einig 3 sandlóur. á Stekkakeldu og Flóanum á Höfn (á flóði) voru yfir 1000 jaðrakanar, 1000-1500 stelkar, 60-70 sandlóur, heiðlóur, tildrur, lóuþræll, brandendur, tjaldar, stormmáfar um 120 hettumáfar, sílamáfar og nokkrir þúfutittlingar. Á Sílavík á Höfn var lóuþræll og nokkrar sandlóur. Utan við Ósland á Höfn voru 9 margæsir, nokkrar rauðhöfðaendur og tveir jaðrakanahópar komu fljugandi af hafi einnig heiðlóuhópar og hrossagaukshópar. Brandendur sáust neðan við sléttaleiti í Suðursveit.

binni@bbprentun.com

Farfuglar

Á Flóanum við Höfn voru all margir stelkar, 23 heiðlóur (firsti hópurinn sem ég sé hér í vor), margir tjaldar og 15 brandendur. Það er komið töluvert af stelkum en enn hefur ekki sést sandlóa á Höfn og er það óvenjulegt (sjást yfir leitt fyrst 1.-5. apríl). Á Flóanum við Höfn eru 140 jaðrakanar. Í Lóni voru um 7000 álftir en lítið af öðru en æðarfuglum. 73 hrafnsendur voru á vetrastöðvunum við Þvottá og 83 við Þvottárskriður en þar var líka ein margæs. Undir Hvalnes og Þvottárskriðum voru nokkur þúsund ritur yfirleitt í 500-1000 fugla hópum. Ein blesgæs var við Vík í Lóni og 6 við Hnauka í Álftarfirði en þar var líka einn helsingi með um 350 heiðargæsum og um 50 grágæsum. Gargandarsteggur var á Þveit í Nesjum og skúfendur á nokkrum stöðum í Nesjum.

binni@bbprentun.com

Farfuglar

Utan við Ósland á Höfn voru 3750 ritur í einum hóp, ótrúleg sjón þar sem um 10 pör verpa á svæðinu. Grafandarpar á Þveit og 5 fuglar á Rotum í Nesjum.

binni@bbprentun.com

Farfuglar

Nú í morgun var ógrynni skógarþrasta á ferðinni um A-Skaftafellssýslur.  Fyrsta heiðlóa vorsins í Egilsstaðanesi.

gaukur.h@simnet.is

Farfuglar

Við Einarslund og á Höfn voru þúsundir af skógarþröstum í morgum, mest bar á þeim á milli kl. 10:00 og 12:00 en svo var eins og bróðurparturinn af þeim héldi áfram.  Fyrsta heiðlóan sást við Húsavík og 18 voru á leirunum í Sandgerði.

binni@bbprentun.com, gaukur.h@simnet.is

Farfuglar

Syngjandi skógarþrestir víða á Höfn og nágrenni einnig eru nokkur hundruð þrestir út um allan bæ. Mikið fuglalíf var utan við Óslandið og mátti þar m.a. sjá stelk, tjalda og sendlinga um 40 tildrur í hóp og stóra máfa í miklu æti (loðna ?). Grágæsum, urtöndum og rauðhöfðaöndum fjölgar hægt og rólega. Grafandarpar var á Rotunum í Nesjum. Hettumáfarnir eru farnir að skoða varpstöðvarnar í Óslandi af áhuga.  Margir skógarþrestir skiluðu sér til Húsavíkur síðustu nótt og eru þrestir nú um allan bæ.  Lítill hópur urtanda var mættur á Kaldbakstjarnir sunnan Húsavíkur.  Stelkar og hettumáfar mættir í fjöruna við Sveinseyri í Tálknafirði.

binni@bbprentun.com, gaukur.h@simnet.is

Farfuglar

Um 150 fugla skógarþrastarhópur var við tjaldstæðið á Höfn seinnipartin í dag þetta er stærsti hópurinn til þessa. Rúmum klukkutíma síaðr voru komnir 500+ skógarþrestir á svæðið og víða fuglar í minni hópum.

binni@bbprentun.com

Farfuglar

Stök heiðlóa sást í Stykkishólmi, 23 við Borg hjá Eyrarbakka og 7 voru við Villingaholt í Flóa.  246 blesgæsir í Þykkvabæ.  2 skúfendur komnar á Skjálftavatn í Kelduhverfi og 3 í Hólskrók í sömu sveit.  18 rauðhöfðar einnig komnir á Skjálftavatn.  Stök heiðagæs var við Kaldbakstjarnir sunnan Húsavíkur.

gaukur.h@simnet.is

Farfuglar

Skógarþröstum hefur augljóslega fjölgað á Húsavík, Seyðisfirði, Fáskrúðsfirði, Höfn og í Grímsnesi.  20 stelkar sem sáust á Fáskrúðsfirði eru fleiri en voru þar í vetursetu.  Álftum hefur fjölgað talsvert í Þingeyjarsýslum, t.d. voru um 40 við Laxamýri og 50 við Kvíaból í  Kaldakinn. Heiðlóur og hrossagaukar sáust á Höfn.

gaukur.h@simnet.is, binni@bbprentun.com

Farfuglar

5 brandendur, 13 urtendur, skúfandarpar og fjörupói á Djúpavogi nú í morgun.  32 brandendur og um 40 blesgæsir í Andakíl í morgun.  Brandöndunum fjölgaði raunar hratt í Andakílnum og voru orðnar 113 seinnipart dags.  22 helsingjar og 8 grágæsir við Skjaldvararforss á Barðaströnd.  Fyrstu tvær grágæsir við Langhús í Fljótum eru mættar.  12 rauðhöfðaendur mættar á Fáskrúðsfjörð og þar eru nú 20-30 tildrur. 42 brandendur á Flóanum við Höfn og svo 4 komnar á varpsvæðið við Höfn.

gaukur.h@simnet.is, binni@bbprentun.com

Farfuglar

Fyrsta heiðlóa vorsins var mætt við Einarslund á Höfn nú í morgun.  Mikið aðkomuflug grágæsa, heiðagæsa og nokkrar blesgæsir hefur verið við Höfn og nýr hópur 19 brandanda var þar kominn.  Töluvert af urtöndum og rauðhöfðaöndum vi Höfn. 9 hettumáfar í Bolungarvík og 15 á Patreksfirði.  Stök grágæs í Bíldudalsvogi.  Enn eru tveir hrafnsandarsteggir við Húsavíkurhöfn.  Rauðhöfðaönd komin á Lagarfljót við Egilsstaði.  Skógarþrestir, grafandarsteggur og 4 brandendur á Djúpavogi.  Syngjandi skógarþröstur á Höfða á Völlum.  Tjaldar við Eyjafjarðarbrú eru nú nærri 50.

gaukur.h@simnet.is

Farfuglar

Fyrstu skógarþrestir vorsins sáust á Fáskrúðsfirði (4), Þórshöfn (1) og á Kópaskeri (nokkrir).  Grágæsum fjölgar víða um land.  3 heiðargæsir mættar í Kaldakinn, en afar sjaldgæft er að heiðargæsir komi svo snemma í Þingeyjarsýslum, ef ekki fordæmalaust.  2 pör af rauðhöfðaöndum komin á Neskaupsstað.

gaukur.h@simnet.is

Farfuglar

Tajaldar hafa sést við Eyrarbakka, á Patreksfirði og Tálknafirði og einn telkur sást líka í Tálknafiðri en það er ólíklega fugl sem er nýkominn til landsins. Þann 13. sáust álftir á Fáskrúðfirði, Reyðarfirði og á flugi yfir Heimaey. Álftahópar hafa sést fljúga upp með Ölfusá við Selfoss og svo eru komnir tjaldar við Selfoss. Í gær sást gæsahópur koma til landsins við Eyrarbakka og brandönd sást við Akureyrarflugvöll í gær.

binni@bbprentun.com

Farfuglar

Álftum fjölgar hratt þessa dagana og sjást hver hópurinn á fætur öðrum koma til landsins t.d. hafa all margir frekar littlir hópar komið yfir Höfn og svo voru um 1600 komnar á Lónið í Austur-Skaft. Þar sáust líka fyrstu rauðhöfðaendurnar í dag 21 fugl. Á Þveit í Nesjum (SA) var urtandarpar, 3 gulendur og nokkrir lómar, allt fuglar sem eru líklegast vetursetu fuglar en hafa ekki verið á vatninu í vetur og svo um 30 duggendur en jafn stór hópur hafði sést fyrir 2-3 vikum síðan. 17 brandendur voru á Flóanum við Höfn og ein við dynjanda í Nesjum. 17 álftir í Reyðarfirði.

binni@bbprentun.com

Farfuglar

Brandendur 4 á Hala og 10 á Höfn. Skúmur sást Breiðamerkursandi. Álftir á víð og dreif um A-Skaft, flestar 50 í hóp við Sléttaleiti Suðursveit. Utan við Ósland á Höfn voru nokkrir sílamáfar.

omarrun@gmail.com, binni@bbprentun.com

Farfuglar

A.m.k. 2 litlir álftarhópar komu yfir Höfn í morgunn, tjaldar sjást orðið á nokkrum vorsetustöðum. Fimm álftir sáust í Fáskrúðsfirði.

binni@bbprentun.com

Farfuglar

Tjaldar eru komnir til Seyðisfjarðar, þar sáust 14 fuglar í dag, einnig eru tjaldar farnir að sjást utan hefðbundinna vetrardvalastaða við Höfn. Grafandarkolla sást með stokköndum á Höfn, en grafandarkolla sást 4. mars á Bjarnanesrotum í Nesjum og er það líklegast sami fugl. Engin grafönd var á svæðinu í vetur svo vitað sé.

binni@bbprentun.com